Sun微博：恩前相後：人殘字不殘

無論強國怎樣崛起，無論殘體字如何「霸氣」，喺香港始終係正體字嘅天下。就如領導人一樣，講到簽名練書法，當然寫正體字，而不用殘體字啦！更犀利嘅係，此君無視別人嘅眼光，一副「腹有詩書氣自華」嘅氣勢，低頭全神貫注用腳趾夾毛筆，咁都可以寫出咁靚嘅字，真係佩服。

我凝視許久許久，方驚覺佢嗰兩句係「拼一年秋冬春夏　搏一世無怨無悔」，呢兩句原來係內地高考金句嚟，正所謂「人殘志不殘」，真係夠晒勵志。

自從「九龍皇帝」曾灶財「駕崩」後，香港經典嘅毛筆字真係買少見少，直至近日立法會「日以繼夜，夜以繼日，再日以繼夜，夜以繼日」咁展開拉布大戰，我先喺電視直播中驚鴻一瞥王國興議員嘅書法。真係久仰！冇錯，佢唔單止係「職業詩人」，喺小學雞年代仲攞過獎添。

唔知大家覺得王國興手字靚吖，定呢位仁兄嘅字靚呢？