城中乖仔乖女今日都會同媽咪慶祝母親節，尋日好多名人入馬場，不約而同大講今日嘅節目。保良局副主席鄭錦鐘同太太拍住拖入馬場，佢話今日自己實在好忙，皆因一人要分演兩角，中午同仔女及太太食完飯，夜晚就要做番個乖仔，陪媽媽食飯，不過只要媽媽開心，幾忙都值得嘅！
全國人大常委范徐麗泰都有入馬場，佢話今日會同仔女撐枱腳慶祝，問佢以往收過啲乜嘢難忘嘅母親節禮物，佢自爆阿仔Andrew曾送一幅阿虫畫嘅《大智若愚》畀佢，幅畫入面仲有隻豬，笑言阿仔想笑佢似豬喎！
鄭錦鐘（右）同太太尋日拍住拖入馬場，話母親節要走兩場慶祝。
