政壇：郎朗授七大成功秘訣
著名華裔鋼琴家郎朗前日獲美國最大嘅私人音樂學院、有九十四年歷史嘅曼哈頓音樂學院頒授榮譽博士學位，佢亦係首位獲得呢個學院頒授榮譽博士嘅亞洲人。郎朗喺該校接受榮譽博士時，向三百四十位畢業生傳授佢嘅七大成功秘訣。
郎朗嘅秘訣包括一定要保持樂觀心態；必須每朝早練習，確保每個音節都演奏準確；要隨時準備好一啲保留曲目，以便臨時表演或面試嘅時候演奏；喺專注苦練音樂之餘，亦要學番啲文學同藝術；要將個人感情同音樂合二為一，至可以更好地理解音樂；多啲同同伴一齊演奏，感受音樂；最後就係有一個好嘅導師。
