次世代生活圈：華麗劏房獨立天堂

甫打開門，就被那精緻的廚房及旁邊的魚缸吸引着，轉角走進「大廳」兼「主人房」，滿眼的豹紋裝飾竟與牆上的溫馨合照出奇地配襯。縱然感覺華麗，這裏卻不是豪宅，而是只有二百呎、一開三的唐樓劏房單位。這裏住着一位渴望獨立、擁有自己安樂窩的90後。

二十歲的Steven是家中孻仔，從小渴望獨立，今年年初決定搬出來自住，每月用三千五百元租住劏房。「本身同屋企人住喺五百幾呎，同阿哥同房，但始終無咩私人空間，人大咗又唔想被管住。」

親手設計好友聚腳地

年輕人高呼要獨立，租不起貴價單位，惟有選擇較廉價的劏房。Steven走遍各區地產舖，看完一個接一個單位，最終找到這片小天地。「最開心係落手落腳設計間屋，擺自己鍾意嘅嘢，如果喺屋企住，邊搞到咁多嘢呀？」Steven搬出來後，除了變得更獨立，思想也漸趨成熟。

「以前一出糧就拎去買衫、去玩，係名副其實嘅『月光族』。依家唔會咁衝動，始終要交咗租先嘛！」原本空空如也的劏房單位，在他手裏，瞬間變成充滿個人特色和品味的生活空間，更是朋友們的聚腳地。

「平時放咗工、同朋友食完飯，就會上嚟傾偈、聽歌。呢種生活好開心，好自由！」這夜，這裏很熱鬧。

大廳坐着四位年輕人，Steven與朋友一邊玩撲克，一邊談天說笑，在輕鬆的氣氛下，傳來一首熟悉的英文情歌旋律，四周隨即瀰漫着90後的浪漫情懷。

逢星期四見刊