SUN微博：SUN畸事：電霸．霸電

電霸：我代表「嘉價有道理」家族宣布，香港市民電費太低廉喇！

思歪：乜料？

電霸：正係乜料都加，天然氣加、原油加、人工加，最緊要係利潤要加，所以你哋預住要加四成先啦，總之思歪你咪干預市場！

思歪：九両菜......都買唔起嘅基層，點負擔得起？再講，發電廠、供電設施嘅地又係政府批畀你，你請啲人又係公立大學訓練出嚟，係唔係真係要收番晒、唔干預先？

電霸：喂，我哋都係本住「獅子山精神」獅子開大口啫，咁多年嚟，邱仔局長幫我哋幫得好好地o架。

思歪：原來係佢！

電霸：點止佢，如果你唔係想挑我機，乖乖地學煲呔歎世界，咁又點會咁無面畀？

思歪：你同班書商有咩分別！

電霸：有分別！

思歪：？

電霸：佢哋撳住搶，我哋坐喺度等市民進貢。無嘅，我哋有咁有效率嘅水平，仲有得唔揀我？

思歪：挑......戰你！我決定要開放電網挑戰你！

電霸：呵呵呵！煲呔已經簽咗專營權賣身契喇！

思歪：＄＊（＃＊！＠︿＃（＠︿％＃

（花生友如有對號入座，請食自己。）