政壇：政商定格：包陪麗樂做鉛筆粉絲
已故船王包玉剛的三女包陪麗(Cissy)情傾繪畫，但亦忙於公務，尋日啱啱先由上海飛返香港，跟住就出席全球第一支有品牌鉛筆嘅Faber-Castell紀念成立二百五十周年舉行嘅《筆的藝術》展覽，Cissy對現場展品好感興趣，尤其欣賞德國藝術家用數千支鉛筆砌成嘅櫈，童心未泯咁拎起相機影唔停。
身為藝術中心監督團主席嘅Cissy話，近期太忙冇執畫筆，希望遲吓有時間再創佳作喎。講到作畫，佢就讚呢款鉛筆質料一流，畫出嚟嘅畫特別靚。依家係科技先進嘅年代，唔少人都以電腦代替畫筆，但包家千金卻覺得好可惜，事關手繪畫先至有靈魂喎。
包陪麗（右）同抽象水墨油彩畫家朱楚珠（左）都鍾意畫畫，特別投緣。