九月立法會幾大直選選區都硝煙四起，新界東更有建制三姝生死鬥嘅憂慮，事關現屆立法會議員張學明同前沙田區議會主席韋國洪先後被西環勸退，沙田區議員葛珮帆同龐愛蘭順利遞補，不過，新東分分鐘仲有西貢區議員方國珊參選，呢次真係爭餐飽囉。
消息透露，新東鄉事派嘅票其實已經被西環撥咗去唔同人身上，其中沙田、坑口同西貢鄉事票都被要求過晒畀葛珮帆，但佢依然難言穩勝，因為葛同龐愛蘭嘅票源部分重疊，雙方難免直接競爭。如果講女性議員魅力，方國珊又好可能出戰，三姝爭一個位，分分鐘益咗泛民就真。