SUN微博：打橫嚟講：林公公傳人，上帝嘅事

「擦鞋病毒」唔單止可以傳播，「擦鞋基因」仲可以有遺傳的，而且，還是近親繁殖。

曾五度跟林瑞麟公公身邊做跟班兼學藝的譚志源，現拜官政制及內地事務局局長，即林公公接班人，佢在前主子敗走政壇，落荒西戎，宣告主懷休息假讀書時，以非常永遠懷念之口脗，狂讚那契弟中契弟之歸功不可抹！講到香港特區無咗此神級賤精，乃香港損失似的！

大佬呀！你當眾做擦鞋仔傳人，都唔使擦到咁令人骨痹o架！你可否話畀我哋聽，林公公回歸後，呢十五年來，有乜功績獻世？小小一件咁多吖！唔該！畀你諗三日！

一個官吏可以做足十五年民望墊底的死鏟，竟仲口口聲聲話「問心無愧」咁仆街，即係反咬我哋香港七百萬人無識見，佢啱我哋唔啱啦！

仲有，你譚志源初紮職做此局長時，曾到電台傍晚時事節目，喜孜孜地分享與林公公共事的「趣事」，話你哋若有乜疑難搞唔掂，就會同林公公喺佢個辦公室房中房裏，向上帝祈禱，交託於神！喂！咁都得？我哋出糧請你返嚟做嘢，唔係請上帝呀！你哋居然做神的代理人？家陣，香港事務一鑊泡，原來唔關你兩粉腸事，只係神無料到乎？真小趣你啦！

煲呔擒日出嚟講，暗示係梁振英唔要此閹人啦！在人手不足時，都唔留佢，可見佢幾廢！擦佢鞋嘅人，值得要留意佢名字。　

就係咁爆：胡椒噴霧好使好用？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

彭志銘

次文化考古學家，對城中潮語有深入研究，博徵博引，廢官廢人行埋一邊。

email：sun4eibo@opg.com.hk

「就係敢爆」網址tv.on.cc/hot