SUN微博：Sun畸事：其實佢哋奸得幾pure幾true

話說淫賤黎印落唔少六合彩報，仲串同一小撮腐敗分子用大飛同軍車運返內地，點知間接累到人哋闔家富貴，大嘆倒楣（當然為其生意）。差不多同時，掘窿專家陳鎮窿因為愛情而犧牲，爭落訟費27億。兩人神交下偶遇，竟覺相逢恨晚。

淫賤黎：頂！又畀人掃咗我啲報紙！仲屈我累人死全家，佢哋知唔知咩係butterfly effect?

陳鎮窿：賢兄，咪咁躁，使唔使我幫你催運轉運？

淫賤黎：唔使喇，我唔信運，我信咩都要賭要博，所以我幾欣賞你。

陳鎮窿：言重，言重喇！我邊係咁博吖，大家以為我賭本得番7億幾，其實好多匯咗去瓦魯阿圖。呢個勁過天圖佈局，蘇人瘋都唔識呀！

淫賤黎：呢招爽歪歪喎！不過我都有個局醒你，仲可以幫你填番條數。

陳鎮窿：咁犀利？係咩局？

淫賤黎：就係六合彩大騙局！

陳鎮窿：吓？畀我中晒頭二三四同安慰獎都填唔晒啦！

淫賤黎：話明騙局，梗係作啲假冧巴，印嚟昆同胞掠水啦！有排你賺！

陳鎮窿：哈哈！果然係出版界，有文化！但係慢咗少少喎，我趕住要畀三千萬出嚟，但係我戶口一蚊cash都無......

淫賤黎：嗱，依家醒你幾個冧巴，聽住：1、3、8、9、X、49......」

陳鎮窿：呢個咪係......

淫賤黎：你舊愛嘅「愛的表現」囉！快啲搵多個TRUE LOVE啦！