政壇：蔡菜子超齡捐血險被拒

紅十字會血庫不時告急，好似最近就缺少O型同A型血儲備。東區區議會蔡素玉同沙田區議員葛珮帆尋日拉埋一班黨友去紅十字會捐血，捐血中心職員見蔡菜子年過六十，又兩年冇捐血，一度唔畀佢捐，最後要勞動中心主任批准，蔡菜子至可以成功捐血。蔡菜子話，以往佢教書嘅時候因為血壓低而唔可以捐血，做立法會議員之後，血壓正常咗，幾乎每年都參加立法會捐血活動o架！

呢輪政圈猛傳新班子名單，葛珮帆亦被傳會出任副局長，唔會出選新界東。佢一聽就笑言政府應該已經夠「新血」，應該唔使佢加入喎。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

蔡菜子（左二）熱心捐血救人，但尋日卻遇小阻滯。