候任特首梁振英（CY）尋日會見十八區區議會主席，向佢哋介紹政綱所講嘅加強地區行政計劃。有與會主席透露，最初大家都以為CY會硬銷政府架構改組，點知最後一句都冇，反而當佢聽到有主席提出起個避雨亭竟然搞足兩年，即時皺晒眉頭，擺明好唔滿意。
與會人士透露，CY一開場已經話，如果乜嘢地區事務都要去晒中環處理，政府會吃不消，而且亦冇效率，鼓勵大家多啲就呢方面提意見，據講發言好踴躍。CY總結時話，地區行政效率不佳嘅問題累積太耐，政府一定要改進，但就希望大家畀啲時間佢處理。