政壇：搞搞政：林D9唔憂冇安慰獎
新政府組班消息吹唔停，其中又以候任特首梁振英（CY）已經揀定現任發展局局長林鄭月娥做未來政務司司長傳得最響，如果係咁，現任政務司司長林瑞麟（林D9）何去何從呢﹖政界對佢去留都流傳唔少版本，總結一句係大把安慰獎等佢攞。
自知無得留低嘅林D9近日表現大方，政界亦認為只係五十六歲嘅佢唔做政務司司長都有大把去處，包括廉政公署嘅廉政專員、平等機會委員會主席等，最具爆炸性嘅係做行政會議召集人，呢個位地位崇高，喺禮賓排名屬特區第三把交椅。
仲有人話，本地之外，林D9北上亦有獎攞，盛傳中央已經留咗個全國政協委員甚至政協常委畀佢作安慰獎。至於由特區頒授嘅大紫荊勳章，只係爭在喺今年七一定係下年先至頒畀佢。
設計圖片及對白