內地高幹子女或後代喺香港發展嘅大有人在，日前卡地亞舉行高級珠寶系列晚宴，從事廣告製作業、開設製作公司嘅周苓都專程來港出席，一襲俏麗長裙嘅周苓，飄逸打扮同城中名媛一樣，不過，佢嘅另一身份可能更令人感興趣，原來佢係中國第一代領導人周恩來嘅姪孫女。
周苓冇細述家族史，只係透露近日忙於籌備周恩來嘅誕辰紀念展覽，由於佢係周家後人嘅緣故，特別感到有意義。展覽會喺邊度搞？佢透露海外都有。
周苓一襲飄逸晚裝出席晚宴，十分省鏡。
