政壇:陳南祿官腔煲冬瓜嚇人

內地經濟起飛,城中名人都有惡補普通話嘅經驗,恒隆集團董事總經理陳南祿(Philip)講起二十幾年前派駐北京,急補煲冬瓜嘅經驗時,就透露搞笑瘀事。佢話當時只係聽得明三成普通話,一度搵北京老師惡補,但係名師教佢日日照住官方喉舌報章嘅社評狂練,三個月後,佢嘅煲冬瓜見得人嘞,不過一開聲就嚇親人,事關佢啲社評式煲冬瓜搞出好多笑話。

Philip尋日下晝出席一個名人座談會,講到北望神州,佢就呼籲後生仔要裝備自己,仲話識講普通話係最基本嘅裝備。佢又話小時候屋企好窮,讀大學時佢都未試過搭飛機出埠,到大一暑假至膽粗粗上咗一艘國際線嘅貨船做船員,展開人生第一次海外旅程,可見成功最終都要靠自己。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

陳南祿(左三)同年輕人真誠分享人生趣事。