SUN微博：黐筋網相：百幾年前無朋友，今日亦然
呢張圖一睇唔覺有幾黐，但係如果話你知係百幾年前芝加哥工人嘅訴求，仲因為咁畀美國警察流血鎮壓（勞動節起源！），而今時今日香港人都仲係未有8個鐘做嘢、8個鐘休息同8個鐘做番自己，或者都會覺覺哋喇。無他嘅，根據港大08年研究，香港人平均每個禮拜做成50粒鐘，即係一周返五日的話，每日十個鐘。仲唔止添，睇下香港嘅醫護人員、消防員同保安員咁，長時間之餘仲要返夜，真係做到無朋友！神通廣大嘅網民搵番呢張漫畫出來寸爆香港呢個國際城市——究竟國際標準嘅最高工時幾時有呢？
