政壇：政商定格：張智彥撐用紙環保
社會着重環保，唔少學校仲推行無紙化，以電腦取代傳統教材。日前遇到從事印刷生意嘅保良局總理Human張智彥，佢話用手寫字可以鍛煉腦部發展，令大腦對字句更為深刻，對小朋友尤其重要。但依家智能手機、平板電腦咁普及，小朋友唔再執筆寫字，以鍵盤輸入代替，久而久之會阻礙腦部成長，仲可能會變成智障，唔敢想像將來嘅社會變成點喎！
對於有人覺得用紙唔環保，Human就話呢個係好大嘅誤解，皆因最優質嘅木材都用作建築，其次用於製造傢俬，剩低嘅劣質木及木碎先至用來做紙，所以係物盡其用至真。況且，紙張可以循環再造，反觀iPad、智能手機得兩三年壽命，拎去堆填區十年都「唔化」，咁仲唔環保喎！
張智彥（左）反對無紙化，怕影響兒童腦部發展。右為其妹妹張菁菁。