政壇：政商定格：阿仔幫到手彤叔安心
已經八十六歲嘅新世界發展創辦人鄭裕彤（彤叔）早排隆重宣布退任主席，結束近七十年嘅打拚生涯，尋日佢以集團榮譽主席嘅身份出席動土禮，西裝、波鞋潮look出席場合嘅彤叔一臉悠然，把聲雖然好似沙沙哋，但無損佢同一班後生記者傾偈嘅閒情。
彤叔話，退休之後日日都過得好開心，得閒湊吓孫、玩吓，間唔中返公司睇吓。阿仔鄭家純已經坐正做主席，彤叔話佢哋交接好順利，即係依家好流行嗰句「無縫交接」，又相信純官都會做得好好。彤叔仲話，「佢都（喺新世界）做咗咁耐，梗係無問題，無咩問題嘅！」
