雙非孕婦明年來港產子嘅大門雖然關上，但經濟動力召集人林健鋒（Jeffrey）尋日繼續向立法會主席曾鈺成呈交修訂《入境條例》嘅私人草案，佢話私人草案係想修改《入境條例》內有關香港永久性居民嘅定義，以及還原九六年基本法籌委會嘅立法原意，即係話雙非嬰兒喺香港出世唔可以享有本港居港權。正當Jeffrey攞住張條例草案副本畀傳媒影相時，黨友梁君彥行過，竟然用不屑嘅語氣話：「兩張紙就可解決雙非問題？有冇咁易呀？」估唔到潑冷水嘅係自己人噃！