SUN熱辣：小蟲巨毒一咬攞命
潮流興養昆蟲，但被昆蟲咬傷，後果可以很嚴重！全民健康動力主席勞永樂醫生指出，部分昆蟲帶有嚴重毒素，被咬者隨時中毒，「呢啲毒素可能令被咬嘅部位發炎、潰爛，甚至導致內出血。部分昆蟲甚至有神經毒素，麻痹被咬者嘅呼吸系統，令到佢抖唔到氣，最嚴重嘅情況可以致死。」
「如果真係畀昆蟲咬到，第一件事係用大量清水沖洗被咬位置，之後盡快到急症室求診。」勞永樂警告市民切勿誤信坊間傳言，以橡筋緊紮被咬位置，他說：「如果紮住被咬嘅位置，啲血就會無辦法流通，無血到嘅身體組織可能因而壞死！」
過去本港亦曾多次發生市民被昆蟲咬傷事件，其中在一○年十一月，一名漁護署清潔男工在八仙嶺郊野公園附近工作，遭不知名昆蟲咬傷頸部，其後發現全身出現紅點及多處紅腫，更一度休克，需送院治理。
勞永樂指，部分昆蟲帶嚴重毒素，被咬隨時中毒死亡。（資料圖片）