SUN微博：打橫嚟講：要狠啲呀！振英哥

不能扮虧佬架！振英哥

一直以強人本色示眾的振英哥，忽然謙卑地自認能力不高、水平不夠，真有點突兀、看不慣，接受唔到囉！

唔通大家對振英哥有所誤讀？或說期望過高？雖然佢以「三低當選」，但還未坐正，已急忙指點江山，為民解困，沒半點猶豫的劈斷雙非孕婦來港生仔的後路，除少數頭巾氣的所謂時政評論員，和依法辦事的笨劣議員呱呱叫，話佢唔守法外，九成九香港特區居民無不舉腳稱好，民心所向啊！

私家醫院起義反抗？傻啦！佢哋有份投票推舉振英當選的，有情有義的梁特首，怎會過橋抽板咁低莊o架！你估係煲呔咩？遲啲，做完一場大龍鳳後，就會大和解的了！無事無事！繼續招呼內地有錢人家，你要錢，我要面，大團結，OK！

振英哥又謙說自己「半途出家」，暗喻凝聚力不夠，又咪傻啦，食政治飯三十幾年啦，佢一吹雞，就見香港精英界七百多人到會撐場，真唔少嘢，你話煲呔叫唔叫得郁年邁的鍾逸傑來臨站台吖，連退休小官羅范椒芬都唔睬佢啦！

振英哥如斯肯卑躬屈膝認低威，一定係畀佢身邊的蠶蟲師爺獻計所累，以為近期搵人埋堆困難，所以一改形象，以「純羊」面目示人，博好感！真係大錯特錯。本來，香港就要一個硬漢來帶領走出死胡同，不再要懵人、貪官小人。

振英哥，你應要再兇狠啲，阿爺才錫晒你！不能扮虧佬呀，否則建制派會恰你o架！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

email：sunweibo@opg.com.hk

「就係敢爆」網址tv.on.cc/hot