SUN熱辣:公院護士再掀逃亡潮

港府由食物及衞生局局長周一嶽統領的公共醫療政策失衡,公立醫院近年長期鬧「護士荒」,加上雙非孕婦湧港產子,近期流感個案高企,令留下來的前線護士工作量倍增,壓力接近「爆煲」,在前景不明朗及叫停雙非孕婦不知效果下再會觸發新一輪護士離職潮。有資深公院內科護士控訴:「最忙時候一個人對十六名病人,有病都要返工,我唔係超人,都好想有人幫,邊個可以幫吓我?真係做到人都癲,好想辭職。」

公立醫院內科護士「流血不止」,一○/一一年度流失人數高達二百三十六人,較上年度多近四成,流失率達到百分之四點七,貼近整體流失率的百分之五點三。

今年度截至去年十二尾,流失人數為一百九十四人,流失率仍維持在百分之五的高位,與整體流失率只差零點五個分百點。

夜更病房僅三護士當值

Ada(化名)是伊利沙伯醫院內科護士,具有十年經驗。該院每個內科病房原有三十八張病床,今年流感高峰期特別長,病人有增無減,入住率長期維持在百分之一百二十的水平,病床已加至四十八張,但人手就無相應增加,日更依舊只有五名護士當值,夜更僅得三名護士。換言之在病人入院高峰時期,一名日更護士要照顧九點六名病人,夜更則要照顧十六名病人。

Ada無奈地說:「幫病人甲急救時,隨時有三、四個病人撳鐘,唔係唔想理,而係理唔到咁多人。晚上更是收症高峰期,在當值十小時內,除幫病人打針、派藥外,隨時有八至十名急症室病人轉上病房,唔好話休息,連食飯都係快食十五分鐘,將飯盒倒落個肚,期間仲要接電話、處理病人投訴,有時粗言穢語不在話下,想抖啖氣都難,有同事壓力大到要食安眠藥。」

畢業生零經驗難替舊人

Ada續說:「內科病房約有二十名護士,只有一、兩名護士願意返夜更,大家都係捱義氣,有病都要返工。我有次把聲沙晒,幾乎開不到聲,病人及家屬都叫我唔好返工休息吓,但都要頂硬上,唔係病房唔夠人做野,隨時冧檔。」

當局近年已增加護士人手,加上今年新畢業生,預期可應付目前的醫療需要。Ada直斥「假像」,新人難以代替資深醫護人員,「佢哋實戰經驗係零,我哋咁多嘢做,邊有時間再帶住佢哋,加新人反而增加我哋工作量,當局明唔明問題喺邊?」。她坦言,前線已心灰意冷,即使有夜更津貼,亦難以解決精神壓力,幾乎每三個月就有一人遞信辭職。

立法會衞生服務界議員、香港護士協會主席李國麟批評,流感高峰期下,更凸顯護士人手緊絀,地區龍頭醫院除內科「爆棚」外,骨科及外科亦有人滿之患。「前線同事做到疲於奔命,醫管局就講多過做,聲稱推出多項措施紓緩,但實際有無用呢?」

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

公私營醫療服務需求急增,單靠大專院校培訓的護士不足應付。