SUN世代：「男兒天職保家眷」

楊永勣近日紅透功夫界，他功夫了得，獲電視台邀請成為武術節目主持，與內地各方拳術比試外。不過，他曾因護妻，於街頭與一名狂講粗口的男子大戰，事後惹上官非，還受到網民於網上挑釁。如果命運能選擇，還會衝動？「我無後悔，因為男兒天職保家眷。」

歡迎網民「踢館」討論

「因為泊車問題，係佢咁用粗口鬧我老婆，做男人，點忍？」Jerry下車，與之口角，有人出手，Jerry出拳，男子頭中四拳倒地，事後警方到場拘捕兩人。

「佢一直靠講粗口用惡去解決問題，之前佢遇到啲人唔反抗，我就係教訓佢嗰位，睇佢以後仲敢唔敢咁唔尊重人。」Jerry及該男子之後被判守行為，以為事件告一段落？剝慣花生等睇戲的網民卻不放過Jerry，在網上對Jerry出言奚落，指四拳才打低人影衰詠春，今次Jerry卻忍得下：「啲網民剩係識用假名講番呢件事，我間館長期打開度門，好歡迎佢哋上嚟同我當面討論。」武者，果真無懼。