SUN世代：葉問徒孫營商展身手

網上近日流行一個理論：男人三十歲前，出差沒坐過商務客位，事業屬失敗。楊永勣（Jerry）乘坐商務客位時，未過三十，之後由公司職員變成手袋貿易公司東主，閒時學詠春拳，參加散打比賽又奪冠三次，更代表香港出戰世界賽。以為平步青雲，怎料一次訓練弄傷肩膊帶，從此緣盡散打王生涯。以為人生就此玩完？他又找到一條教拳之路延續武者生涯。畢竟，學武之人，都有團不易放棄的火。

Jerry之所以學習詠春，是為了打贏人：「十四歲嗰年，喺學校同人打交，對方人多，我唔夠人打。」楊父見他口腫鼻腫，認為「將相本無種，男兒當自強」，要他學武自保，他就拜詠春拳葉問徒弟、李小龍師兄，有「講手王」之稱的黃淳樑為師。

人生找到目標，鹹魚也會翻生。Jerry原是大懶蟲，返學望放學，日日想放假，學習詠春，講究耐性也講科學，馬步要二字拑羊最靈活，出拳講角度最有勁，守中線出拳距離最短，這些理論在打架中聽落最有利，他從此愛上，更盡得師父真傳：「詠春一個動作有時要學兩個月，有啲師兄弟無耐性放棄，我呢，一放學就上武館，係第一個學生到，師父對住我時間最長。」日復日年復年，詠春三套拳，他一一學會。

嘉利慘劇頓悟與港脫節

歌手陳奕迅的《葉問風中轉》歌詞「詠春威力無窮，如練成，其他不用怕。」正是Jerry寫照，中五畢業後，到一間貿易公司做採購，當時香港未回歸，人人怕北上，他舉手請纓，深圳、上海、青島去過，替公司解決不少困難，「有次內地廠做咗幾十萬個美人魚公仔，交畀迪士尼，美人魚入面裝咗啲水，點知好多個都變咗色。」翻做趕不及，全公司總動員叫齊親朋好友幫手，用眼球做質量檢查，換走變色的問題公仔，趕及出貨，保公司聲譽。

九六年香港嘉利大廈大火多人死傷，Jerry當時身處內地，當年未有互聯網，消息不靈通，當然不知道這宗慘劇，他放假返回香港，才知發生如此大事：「我同香港脫節了！」於是他返回香港。

放不低詠春授徒教武功

老闆對他信任，歐美各國也成為他傾生意見客地方，有時會被航空公司upgrade上商務客位，大客戶賞識他的能力，建議他自立門戶，Jerry就因此榮升貿易公司東主，生意亦愈做愈好。Jerry想推廣中國功夫及試試自己斤両，參加散打比賽，連奪三年冠軍，○四年代表香港出戰世界賽，回港加強訓練時卻弄傷肩膊韌帶，拳手生涯畫上句號：「我走咗去讀書。」取得學位後，對詠春拳還是放不低：「我算係紅褲子出身，明白啲學員學功夫係為咩，因為我經歷過。」多得他想通，香港教授詠春拳師父又多一人。

Jerry's Profile

學歷：香港管理專業協會採購及買辦管理學士

現職：JC WORKSHOP負責人，PVT GROUP創辦人

成就：香港散打公開賽2001-2004冠軍，香港散打代表隊成員