政壇：政商定格：CY助理唔明乜係「困身」
候任特首CY梁振英尋日搞答謝大會，人海之中企咗一個斯斯文文，但又略帶羞澀嘅女仔，佢就係候任特首辦項目主任Ran陳冉。阿Ran喺香港大學先後修讀傳理同金融，實習期間認識當時為CY工作嘅Allen馮英倫，○八年畢業後經Allen介紹做CY助理，最近又雙雙跟CY入候任辦做政策研究至六月三十日。
問起佢哋嘅工作會唔會好困身時，來自內地嘅阿Ran就好似唔太明白乜係「困身」，笑言自己廣東話唔好。
至於Allen，原來佢除咗研究工作外，仲要搞埋網站工作，唔怪之得前排有人戥佢得二萬幾蚊人工唔抵，但佢就話人工嘅嘢，冇所謂啦！
陳冉○八年畢業後做梁振英助理，直至依家。
馮英倫