政壇：搞搞政：富貴黨翻舊帳袋巾傑發爛渣
點樣解決雙非問題？公文袋黨魁袋巾傑尋日喺《城市論壇》上，提出修改基本法係最可行解釋雙非孕婦問題嘅辦法，又支持候任特首CY梁振英提出明年雙非孕婦「零配額」嘅建議，但同場嘅富貴黨主席Miriam劉健儀就認為應該將雙非問題訴諸法庭，建議政府向雙非子女停發居港權或者自行修改入境條例，到時自然有人挑戰呢個決定，再透過法庭去判，跟住又寸公文袋支持幫外傭爭取居港權打官司，都係將事件訴諸法庭解決。
類似嘅論調，拗過不知幾多次，點知尋日袋巾傑忽然扯火，發晒爛渣，面都紅埋，力斥Miriam身為律師口不擇言，為咗直選咁樣抹黑好過分。
老實講，因為外傭爭居港權同港珠澳大橋嘅官司，公文袋民望插水，喺舊年嘅區議會選舉仲大敗添，畀人翻舊帳，袋巾傑仲唔老羞成怒咩！
設計圖片及對白