on.cc 東方互動主頁

SUN世代：樽樽樂道畫出新生

無論是畫樽，抑或做裝置藝術，對玻璃瓶藝術家陳綺妮（Eileen）來說，用玻璃瓶創作已不單是停留於藝術層面：「我將自己代入個樽度，覺得要為個樽請命。」Eileen 用她的雙手，一筆一筆為樽換上新衣，讓它們由垃圾搖身一變成為藝術品，但她沒料到的是，那支畫筆也改寫了她的人生。

「我成日同人講，我有兩段生命。」Eileen 的第一段生命，是一個老掉牙的故事：她於加拿大修讀商科，回港後從事市場推廣，後來結婚生子，順理成章當上全職家庭主婦，雖然生活安穩，但她不甘與社會脫節，在兒子一歲時，決定要找些「細藝」：「打麻雀要湊夠腳，就算打網球都要搵多個人﹗其實可以揀學鋼琴嘅，不過我都係揀咗學畫畫，可以隨時畫，又可以留喺屋企照顧囝囝。」從此，Eileen 踏上了她不平凡的第二段生命。

盼畫樽成本土文化

從水墨畫開始，到後來接觸油畫，期間Eileen曾辦過畫展，作品亦有被買家垂青。至於後來去畫樽，是源自一個忽發奇想：「嗰陣同老公去試酒晚餐，完場見到剩咗好多樽，就諗不如用樽嚟畫畫，於是就攞咗幾個樽返去。」

一年下來，她所畫過的樽已上百個，此時她決定舉辦個人展覽，但萬料不到，那是她成名的開始：「我喺牛棚搞咗個展覽，之後有一間蠔吧攞咗我啲作品去佢舖頭度擺，點知好受歡迎，跟住陸續有傳媒訪問我，咁就紅咗。」

玻璃瓶彩繪，讓Eileen 逐漸受人注目，但作為玻璃瓶藝術家，當然「唔止畫樽咁簡單」。○九年她用了三百三十三個樽組成以湖景為題的裝置藝術，報名參加意大利佛羅倫斯當代藝術雙年展，成為當年唯一香港代表。「歐洲係環保藝術嘅發源地，都幾好奇有冇人同我一樣用樽嚟做素材，點知全場得我件作品係用樽嚟整，不過反應好好。」能在世界各地藝術家雲集的展覽中，得到同行的肯定，為她的藝術生涯留下了光輝一頁。

談到未來大計，Eileen 依然離不開那個樽：「我想令bottletainment成為本土文化。」Bottletainment 就是「bottle + entertainment」，即是用樽作為媒介的娛樂。她每次展覽都設有工作坊，讓普羅大眾齊齊畫樽：「有一次個主題係畫『a bottle of love』，個個都話唔識畫，咁圓形代表完美，就叫佢哋用圓形嚟表達愛，咁佢哋就話『哦﹗圓圈我識畫』，之後每個人都能夠完成作品，仲畫得幾好添﹗」

Eileen 身體力行，讓大眾親身感受到藝術並非遙不可及，其實每個人都有能力，去為每個樽開創「第二人生」。