SUN微博：打橫嚟講：剩女愛作賤之丑角真人騷

香港幾件平庸無奇的中女，被電視台高調包裝，由雲英未嫁的「剩女」，改名為「盛女」，善價而沽，引起全城「討論」（其實係「恥笑」加「調侃」加「聲討」加「怒插），繼人辦陳健康、人渣陳振聰和巴士阿叔陳乙東之後，又一陳兵爆笑現象。

男人追求事業，女人渴求戀事，同樣正常不過；三、四十歲有事業背景的未婚男人，叫「筍盤鑽石王老五」，同樣身份的女士，卻叫「剩女」，難怪平機會主席林煥光狂炳電視台「譁眾取寵」，「貶低女性形象」，呼籲大家「罷睇」！

娛樂事業最怕無反應，哪怕你哋「鬧爆」，因為「鬧」都係一種反應。在他們的角度，「鬧」也是一種娛樂，即如製作「悲劇」苦情劇，就係要觀眾「喊」，同一原理，能牽動觀眾情緒視作成功！

點解香港電視劇集的水準每況愈下呢？源自電視台的高層非常認同唔怕被人鬧，香港人亦已習慣了邊鬧邊睇，無得鬧的，先至無人睇。故此，這套號稱《盛女》的「真人騷」，一定要度啲被「狂插」的「GAG位」，那群無知被擺上枱的女主角，當然避不了！但最白癡可憐的，反而係那件自詡戀愛特訓男導師低能兒，不停口教人扮假、作狀搞權謀，用奸計，哈！要人用45度角望人，毫無家教；又常叫人唔好做最後一個留口訊的人，忘記咗「愛」係要真心，而唔係虛偽的交易，如斯低水準都讓佢出鏡，擺明係做小丑引笑作用的角色，絕配也！

可憐的「剩女」，最後的剩餘價值，竟是托起一個窩囊廢的傻仔！讓電視台賺錢。

就係咁爆：樓市復活定係泡沫？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

email：sunweibo@opg.com.hk

「就係敢爆」網址tv.on.cc/hot