政壇：政商定格：朱鼎健61.5億建高球商場
早幾日觀瀾湖主席Ken朱鼎健傳出喜訊，話佢投資咗五十億元人民幣（約六十一億五千萬港元）喺深圳北興建嘅國際城市綜合體「觀瀾湖新城」，將喺十八個月後「出世」。
「新城」匯聚酒店 、商務、購物、休閒、展覽同居住六大功能，咁大陣容，難怪阿Ken好似期待新生命出世咁緊張。新城入面個大型商場「MH Mall」係全球首個高爾夫球十八洞主題商場，除有全深圳首家高球推桿樂園外，仲會有保齡球品牌Brunswick同溜冰場，喺行街之餘仲可以做運動，真係鍾意運動嘅阿Ken先諗得出呢個構思。佢平時係工作狂，呢類一站式建築群就啱晒佢喇。
朱鼎健打造嘅「新城」，冇離開高球嘅老本行。（受訪者提供）