政壇：李漢奸黎智英騎劫黨務
白鴿黨尋日開特別會員大會傾立法會選舉部署，黨員楊錚、陳德明同羅國強就話要盡會員嘅義務同權利，聯名發信畀民主黨全體會員，開名批評白鴿黨前主席李柱銘，話李漢奸作為黨員，但係就將個人意志凌駕於白鴿黨嘅決定，佢哋又不滿李漢奸明目張膽幫公文袋拉票，但到黨主席何俊仁出嚟選特首，李漢奸又唔肯支持，叫李漢奸係時候喺白鴿黨大局利益以及個人政治利益之間作出抉擇，又話佢係選舉嘅負資產。
呢三位兄台又喺公開信話，十分憂慮壹傳媒黎智英插手白鴿黨事務，影響白鴿黨喺道德文化價值上嘅立場。就好似《爽報》咁，佢哋話其實好多社會聲音都不滿《爽報》暴力色情嘅作風，但白鴿黨就好似為要顧及資助佢哋嘅「水龍頭」，所以就自我審查，一直都唔敢表明立場，所以發信呼籲白鴿黨員要諗吓未來應該點維護社會公義。