CULTURE o翕：保衞特色小店

本港特色小店愈來愈少，今次找來三位年輕人分享保衞小店的感受。

星期天，購物天。走到附近的商場，在數間風格、設計相若的衣飾店內，勉強選了數件衣物；走得倦了，就在那連鎖快餐店覓個座位，吃着店內推介的豬扒飯。在這個看似充滿購物選擇的香港，我們真的有選擇嗎？

為了令更多香港人，關注身邊逐漸消失的特色小店，一群大學生走遍橫街窄巷，把小店們逐間逐間記下來，為市民提供公式消費外的選擇。

中大新聞與傳播學院學生Cora

「喺香港，係咪只可以有一種消費模式？」

也許現今社會上大部分人，都習慣在倒模般的商店、超級市場，解決生活所需，Cora亦曾經如此。但近期接二連三有關霸權、商場加租令小商戶被迫結業的報道，不禁令她反思到：小商店走向絕路，滿街一式一樣的連鎖商店，就是香港未來的路？

「作為年輕人，面對咁嘅情況，係咪應該盡自己力量，嘗試改變呢？」終於，大學時一個課程的研習，為Cora帶來保衞小商戶的機會。她與一班志同道合的同學，開展了一個名為「我買我選擇」的計劃，實行遍尋香港特色小商戶，再設立社交群組分享資訊，為它們提供發聲平台。

中大新聞與傳播學院學生Candy

「喺呢啲小舖頭入面，我搵番香港人已經失落咗嘅人情味。」

Candy亦是其中一個參與計劃的同學，負責走訪各間小舖，這些經歷，對她可謂感受至深，「每一間小店都有自己嘅故事，其中最令我印象深刻，係一間日式雜貨店。店主為咗吸引多啲人嚟油麻地—一個充滿舊香港特色嘅地區—決定將間舖開喺嗰度，放棄開喺人流更高嘅地區，仲會主動同客人介紹油麻地嘅好去處，等更多年輕人對舊香港有更深認識。」

與欠缺個性、制度化的連鎖店相比，小店內滿載的人情味，更令Candy嚮往，「小店嘅老闆同客人就好似朋友咁，唔似得喺連鎖店入面，收銀員只會講：你好、幾多錢、再見。」

中大新聞與傳播學院學生Joyce

「原來我哋小小嘅力量，都可以迸發出好大嘅效果。」

從當初貪方便只光顧大型連鎖店，至看不過眼小店被逼向絕路，後來更落手落腳為它們發聲，Joyce認為，自己亦在轉變。「雖然我未做到只幫襯小店，但依家我會多啲留意處於城市暗角嘅小店，發掘佢哋，接觸佢哋。」

除了自身改變，更令Joyce高興的，是身邊人，以至陌生人，都漸被他們影響，「個page原本只有自己人like，慢慢有其他朋友share，後來仲有啲唔識嘅人like。之前更加有個來自馬來西亞嘅人留言，話希望第時嚟到香港，仲會見到啲充滿特色、富人情味嘅小店，叫我哋加油，真係好開心！」星星之火，原來真的可以燎原。

年輕人着重身份認同

保衞小商戶，成為近年深受年輕人關注的議題，中大新聞與傳播學院導師譚蕙芸認為，與他們看重身份認同有關，「年輕人希望自己有一個獨立、與別不同嘅形象，唔想同其他人差唔多。但依家好多商場都畀連鎖店佔據，賣嘅嘢度度差唔多，於是佢哋就開始留意一啲賣特色嘢嘅小舖，再慢慢發掘到呢啲小舖嘅好。」

「其實大舖唔係我哋嘅敵人，因為我哋嘅重點係良心消費，希望商家喺賺取利潤嘅同時，都會兼顧社會公義，支援到本地嘅初級生產，例如創意、農業嘅發展。」譚蕙芸認為，年輕人多發掘身邊的小商戶，能增加他們對社區的認識，對他們絕對有好處。

外國團體 實連鎖店

早於十八世紀末，英國就出現首間連鎖店，售賣書本文具、報章雜誌等。由於連鎖店能大量訂購或製造貨品，加上制度化管理，令成本降低，因此，這種商店模式於各地愈來愈流行，本港現時亦有多間各類型連鎖店。

但在連鎖店盛行的同時，卻惹來趕絕獨立店舖的爭議，部分國家就因此出現民間團體，如自由商業聯盟(Independent Business Alliance)，以監察連鎖店，保障小商戶。