SUN熱辣：違法處理動物屍可監六月

寵物善終服務公司雖聲稱提供火化、安葬一條龍服務，但法律界人士指出，未經許可，處理任何動物屍體均屬違法，故私營的寵物善終服務公司若設有火化服務，應要申領牌照。惟現時政府仍未有設立相關的發牌制度，建議盡快納入監管。

「將貓狗嘅屍體掉喺街已經係犯法，更何況火化動物屍體！」執業大律師陸偉雄稱，根據《公眾潔淨及防止妨擾條例》規定，任何人如無合法權力或合理辯解，不得將任何屍體放置在公眾地方，非法處理動物屍體最高可判罰款二萬五千元及入獄六個月。

法律界人士黃國桐亦說：「法例仲限制焚化爐會唔會造成污染，如果因為焚化動物屍體造成污染，又有人投訴，就會觸犯條例。」他表示，寵物焚化及善終服務為近年新興的行業，現時仍未受規管，但長遠而言必須設立發牌制度，「發牌一定好，除咗可以監管有無污染，同安放屍體嘅情況之外，仲可以監管到服務質素，動物屍體都算係一條屍，動物死咗有好多血水，無監管會產生衞生問題。」