SUN世代：機械「橋王」愛冒險

「指南針？有！地圖？有！我仲同屋企人借咗個無線電話添！」若人生是一場冒險，香港孩子早有路線圖，沿途都有家長的幫助。謝智銘（Marbo）卻反思人要活出自己的人生，自行解決困難。他亦憑藉機械工程專業知識為客人解決問題，享受由「無計」到「有計」的過程。

小學升中學，中學升大學，大學畢業後選擇繼續升學或就業。香港孩子的成長，每一步都有人為你早作安排，只要乖乖聽話，一步一步走，保證安全不會出錯。Marbo跟大多數香港人一樣，接受十幾年的機械式教育，甚至在大學也是修讀機械工程。直到大學畢業後，他飛到美國升讀碩士課程，才驚覺過去的成長路其實超錯。

他一落機就要處理一連串問題，由如何去到學校、辦入學辦簽證，到找地方住宿，再沒有人代為張羅，統統都要自行諗方法解決。他有感活到二十多歲，才開始學習如何經營自己的生活。「諗番就覺得喺香港咁多年都無長大過，父母供書教學，又畀零用錢你使用，學校又安排晒步驟，教你點做點做，我哋從來唔需要為自己打算。」

在外地自立生活，令他開闊視野，亦為人生作長遠的打算。「以前我喺香港時，淨係諗聽日後日要做啲乜，一個月、一年之後嘅事都覺得太遠﹗但我依家會計劃五年後，甚至十年後要點，仲要諗點樣實行。」

Marbo於是定下事業路向，先在機械工程業打滾，再運用專業知識和經驗，打造專門開發產品的品牌。但他碩士畢業後，撞正美國經濟蕭條，到處都在裁員，畢業變失業。他想到與其呆在原地浪費時間，不如趁機為家業打理美國市場。家族專營輕工業生產，製品會出口到歐美，於是他單人匹馬代表公司見客，拿着一堆由超市買回來的自家產品當貨辦，卻遇到客戶的難題︰「其實只係好細微嘅問題，辦公枱上嘅嘢放唔平，但呢間公司十幾年都諗唔到方法解決。」

從小好奇愛拆嘢

結果，公司成功研究出方法，「好多工廠都識做呢啲產品，但高下往往決取於細微之處！」幾年後，Marbo返回家業、幫忙打理，想把公司轉型，以提升生產技術為重點，用機械代替人手工序，減輕公司對人手的依賴。八年間，工廠員工由六千人縮減到現時的千幾人。

○七年，他另闢一公司，專門研究產品開發，「細細個就鍾意將屋企啲嘢拆到散晒，想知入面係點，同埋點樣整出嚟！」從小他就對物件的構造感好奇，堅持要對裏裏外外了解透徹，至今亦然。現在，即使客人附上設計圖，他仍會分解再裝嵌，重新畫圖，要了解產品在製造過程會否出現瑕疵，每一個配件要如何裝上，才可更趨完美。他對人生的想法也相同，「我無衡量過咩係成功，只會反思過程中我失敗咗啲乜，點樣去令自己走得更前，邁向成功﹗」

Marbo's profile

職銜︰先鋒產品服務主席兼創辦人、永隆國際集團市場部總監

學歷︰香港中文大學機械與自動化工程學士、美國密歇根大學機械工程學碩士

家庭狀況︰未婚