SUN微博：打橫嚟講：振英哥，重要任務

以「三低」當選特區阿頭的振英哥，帶住筆記簿北上面聖，抄低未來五年的工作任務，任重道遠。

早前，坊間傳出下屆特首要任內搞掂的「四大任務」，比消防員更愛救火的振英哥飛撲出來大叫：沒聽過有乜四大任務！

既然，身為候任特首都唔知的話，我等路邊社小蟻民有義務提醒佢，讓佢深入地了解民情，香港先至有運行呀！喂！梁生，收嘢呀！

（先旨聲明，以下「四大任務」，乃未經證實的八卦傳聞，一切須得中央確定才可作準。）

一、（不管有無出動坦克車）須得廿三條立法。二、（唔理有無師生跳海）須得實施愛國的國民教育。三、（話知有無政客投誠）須得推行政制發展。四、（睬佢有無公共廣播）須得整頓港台。

除上述「四大謠傳任務」外，梁特首真正要落實執行的工作，還有大鬼把呀！為怕梁先生又話唔知，現我免費提供資料，好等佢有機會「以民為本」，嗱！振英哥，收嘢呀！

（排名不分先後，事態輕重緩急睇你喇！）雙非孕婦問題、來港自駕遊、新界僭建村屋，提交新班子內閣名單、擺平地產財閥及反對派、落區扶阿婆過馬路（可以唔使再做）……更重要的，還有：

九月扶植自己人入局、(目及)實支聯會同「花卵工」、拆舊電池和地雷、做好對台扮Fan的橋樑工作，仲有，要記住：你不是地下黨人，同埋審煲呔。辛苦晒！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

email：sunweibo@opg.com.hk

「就係敢爆」網址tv.on.cc/hot