香港青年聯會及旗下賢慧社尋日主辦第三屆「青聯賢慧愛家日」,活動主要招待一千五百個來自貧困家庭嘅小童及家長暢遊海洋公園,一眾青聯靚仔靚女都換上輕裝同行,賢慧社主席羅詠詩(Anthea)話,今次特別要多謝合和實業太子爺胡文新、香港青聯交流基金主席陳寧寧及「十分關愛基金」等機構贊助支持,仲有二百幾位義工幫手添。
青聯主席葉振都梗要撐場,青聯賢慧社聯席副主席林玉茵一連趕兩場,參加活動嘅青聯成員咁有心,基層家庭小童同家長當然玩得好開心啦。
青聯兄弟姐妹開心暢遊海洋公園。左起:彭芷君、陳寧寧、鄭重科、羅詠詩、林玉茵及周沁。