SUN世代：「問題少年」感動前輩
「我好幸運﹗身邊有好多肯教我嘅前輩。」楊曜輝口中的前輩，其中一位是他的咖啡啟蒙老師陳子敬。「最初入行，遇到唔明就周圍問人，佢次次都好樂意解答，同埋佢講嘅嘢我特別入耳。」陳子敬在咖啡行業逾九年，四年前開始培訓工作，對於這位「問題少年」，他不諱言最初亦覺「好煩」，但終被其熱誠感動，「我入行咁耐教過好多人，從未見過有人好似佢咁有heart。大部分人只當沖咖啡係一份工，但佢會用私人時間練習，付出嘅努力比人多。」
在陳子敬眼中，楊曜輝是勤力的學生，也是位咖啡天才。「上年參賽前一晚，我教咗佢一個拉花技術，點知第二朝佢已經做到，令我好surprise﹗」楊曜輝兩次參賽，這名「軍師」亦陪伴在側，一起分享獲獎喜悅，「獎項係對佢付出努力嘅肯定﹗」
在去年首屆香港咖啡拉花大賽中奪冠，令楊曜輝喜出望外。