SUN熱辣：冷靜畀錢保安全
港人在深圳不慎乘坐假的士，在別人的主場下，危機四伏。有心理學家提醒，安全保命是大原則，切忌因一時之氣，怒罵司機，否則激怒對方可引致生命危險。
「明白港人會想爭取權益，但同司機爭辯，要先考慮自身安全！」臨床心理學家葉妙妍指出，港人誤上假的士，必須冷靜研究對策，如找個藉口落車，或改往有公安駐守的範圍才落車，她說：「在大部分情況下，司機都係為咗錢，如果你用言語威脅佢，話報警之類，佢可能拎武器出嚟傷害你！倘若牽涉嘅錢唔多，畀錢保住生命安全，不失為一個好辦法。」
此外，一名業界人士坦言，港人北上乘的士時，的確要小心為上，最好在羅湖城附近乘車，因該處是站頭，有車隊服務員協助乘客，安全性較高，他說：「其實搭深圳地鐵最安全！」
臨床心理學家葉妙妍提醒，如發現正在乘坐假的士，不宜與司機硬碰硬，以免激怒對方。（資料圖片）
港人怕怕
呂小姐（設計師）：我成日返內地做嘢，無諗過深圳的士都有假，真係好擔心。如去近嘅地方會搭地鐵，如果去遠嘅地方，去關口搭的士，感覺上安全啲！
姚先生（工程師）：好少去深圳，更加唔識分真假的士，不過以後搭的士都會拎單據，方便日後有事，都可以搵到的士司機。