SUN微博：寶刀月下飲血還 梁纓林中戰三奸

打橫嚟講：思歪新班子IN and OUT

梁振英當選特首，連那個助選的「競選辦」還未解散，已被追問新班子人手問題，梁振英總笑口噬噬地話會在現有的問責官員、公務員和社會民間裏羅致人才，一臉胸有成竹；坊間，有幾多人肯跟佢撈呢？

梁競選時的頭號貼身跟班張震遠，話「無想過加入政府」，但卻會「認真考慮」加入行政會議，梗係啦！做政府官仔，人工奀，地位低，又常畀人問候，怎及做圈地為王的行會大爺吖？跟得「思歪」耐，果然識搵位上。

另一個以前被綽號「煲呔針」那個叫「大班」的人鬧到喊嘅高永文醫生，亦開晒口話會「嚴肅考慮」加入下屆政府。我想知，那些功能組別的選委投票給梁生時，係代表業界利益吖？香港市民的福祉吖？定為自己將來仕途嘅呢？

街外人，就話恨做官恨到發燒啫！做緊嘅又點呢？司長級的，林公公當然最想再坐一會啦！不過，屎坑就有佢份坐。其次，亦係最核突的，便是周一嶽局長，佢直言，唔介意乜春職位，只要梁特首願收留佢，佢乜都肯做，狗到痹。

大佬呀！你每周一鑊，五年內，足足二百幾鑊，叫大家點頂呀？大肚婆關你事，食錯藥又關你事，醫療事故、人手不足、輸錯血都係你責任；怪病毒、生花柳亦歸你管；食水污糟、大陸假鹽又係你睇；連火葬場、骨灰龕都有你份；阿婆倒瀉屎都預埋你，而你又咁廢，無一鑊搞得掂嘅，仲去唱歌嚇人，你都係死開好過！唔該！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊鬧爆夕陽政府

就係敢爆：交通費勁加點算好？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot