政壇：政商定格：陳淑莊搞「戴錯嘢」騷自娛
立法會議員Tanya陳淑莊尋日約齊班傳媒見面話有好消息宣布，大家萬分期待，以為佢覓得第二春，實情係宣布下個月底開騷。佢覺得要講政治嘢，唔係得立法會一個平台，亦唔係政圈中人先可以論政，所以想「做番一啲我想做嘅嘢」。唔通議員唔係佢想做嘅？
做開舞台劇嘅佢首次化身「戴錯嘢夫人」搞talk show。場騷全部由佢構思，如果有錢賺就全部捐畀護苗基金，所以個騷講佢同政治之外，亦會講吓婦女同小朋友，但佢拍檔就爆響口話，唔知Tanya係咪想唔做議員，重操故業。其實Tanya已喺黨內報名再參選立法會，但選唔選到就要睇選民嘞！
Tanya首次個人talk show叫做「陳淑莊講女烈傳之戴錯嘢夫人」，極似要為投身娛樂圈鋪路。