政壇：搞搞政：候任特首辦活化舊政總
喺政府部門遷入添馬艦之後，下亞厘畢道嘅舊政府總部已變得非常冷清，加埋門外一棵光禿禿嘅樹，如此畫面，盡見夕陽政府嘅悲涼，不過，候任特首辦設於舊政總後，西座地下嘅「玻璃房」再次重拾昔日風光，梁振英遷入後好多人出出入入，令呢個地方都活化咗。可惜今時唔同往日，皆因自從舊政總餐廳遷出後，依家連「玻璃房」部水機都唔知點解被撤去一個傳說中無人、無電嘅政總中座。
玻璃房水機無厘頭搬走
眼見水機比人更早撤退，西座僅餘嘅職員喊都無謂，惟有出動水煲自行煲水飲，但一個水煲又有幾大吖，所以即使面對清水一杯嘅簡單要求，職員都興嘆愛莫能助。之不過，經過尋日有傳媒向新聞處反映無水飲後，下晝「玻璃房」忽然出現咗一把風扇，睇番候任特首辦會運作至六月尾，睇嚟呢把風扇日後仍有大量「降溫」空間。
設計圖片