SUN世代：創意鋁人

眼前的一堆鋁材，看起來一模一樣，了無生氣，但莊一淦隨便拿起其中一塊，一扭一擰，倒模般的鋁條頓時跳脫起來，變成充滿個性的家居用品。莊一淦不是神話故事中，力大無窮的主角，他只是運用創意，為家族鋁業代工生意，另闢自家品牌的新路向。

「滴、滴......」莊一淦小小的展覽室內，掛滿了設計時尚的時鐘，旁邊還放滿各種鋁製家具及擺設，這些都是他筆下的創作。問到哪件是他最滿意的作品，他想了想，搖搖頭道：「呢度所有嘢，我設計嗰陣都好鍾意，做出嚟都好鍾意，但好快就唔鍾意，因為要全情投入下一件創作，做出更好嘅作品。」言談間，他不經意流露出藝術家力求完美的性格。

創作的故事，在莊一淦年少時就開始萌芽。小時候，他閒時最愛畫公仔，中學時學習攝影、繪畫，至大學修讀設計學科，每走一步，都似乎為進軍設計界鋪路。但事實上，他是一家鋁業公司的太子爺，畢業後亦選擇回家業工作，「當時經濟唔好，爹哋提議我返公司幫手。雖然我由細到大都無諗過子承父業，但人大咗，都要諗吓承擔。」

「由細到大，我都唔清楚屋企係做乜生意，仲以為係造鋁窗，原來一直搞錯晒！」面對陌生的商業世界，莊一淦從頭學起，由見客、行政管理，以至生產的每個工序，他都參與其中，「都係邊做邊學，難免會撞板，試過訂錯機器，令公司唔可以如期交貨畀客人，結果要賠錢，惟有吸取教訓，請教其他同事，希望可以做好啲。」

「香港製造唔比外國差」

匆匆兩載，莊一淦對工作愈見純熟，設計的工作似乎與他愈離愈遠，但其父當時的一個決定，卻為他的設計路帶來曙光，「公司一直係接客人定單，做代工生產，喺○四年嗰陣，爹哋就諗，既然我係讀design出身，公司又有豐富嘅生產經驗，點解唔試吓建立自家品牌？」統領這個計劃的，當然就是莊一淦。

回到熟悉的範疇，加上在生產線上工作的經驗，莊一淦在設計工作上更得心應手。他決定以家居用品作起點，推出不同鋁製家品，其後更進軍歐洲大型展覽，與當地一線品牌置身同一個展覽廳，「當時全港得我哋一間公司做到！雖然部分人見我哋係香港人，都會對我哋嘅產品有所保留，但亦都得到好多人欣賞，仲接到來自西班牙、意大利、日本等地嘅定單。」

現時，由莊一淦創立的品牌，在香港及內地共有二十一個銷售點，在馬來西亞等國亦有售，但是他卻認為成功仍離他很遠，「生意額仲未達到當初嘅預期，希望多啲香港人認識我哋嘅品牌，明白到香港製造，絕對唔比外國名牌差！」

莊一淦小檔案

現　　職：鉅中房地產有限公司董事、CY Design Studio Limited董事及首席設計師

婚姻狀況：已婚，育有三子

興　　趣：騎電單車、滑雪