SUN一天出發：中廚起革命

大牌檔小炒色香味俱全，吸引不愛唸書的林勤樂報讀中菜課程，後更成為中式酒家出品部主管及食譜作家。三十三歲的阿樂自小受經營燒臘店的父親影響，經常留連街市，眼見大牌檔廚師炒出美味餸菜，中學畢業後毅然加入職訓局課程，並成為師傅廖教賢的首屆徒弟。廖師傅從事中菜餐飲三十多年，為改變行業陋習，轉行教書，望培養學生有禮貌及尊重別人，最近更夥拍阿樂出食譜，將宗旨繼續傳承下去。

阿樂於九七年修讀職業訓練局中式廚務課程。他回想起兩年的學習過程中，除了學懂師傅精神及廚藝，亦明白到要不斷進修。他在學期間，曾報考國家職業技能鑑定中式烹調師及衞生經理證書。踏出社會工作一年，便成功憑履歷獲聘為一間酒店的廚師，「嗰陣拎住自己嘅戰績去見工，冇人介紹。佢原本係想請西廚，但見到我嘅證書同努力，破例請咗我！」他現職富瑤酒家出品部主管，並沒有使用舊有授徒方法。「唔係鬧到死死吓，先會記得深刻，循循善誘又或者係嬉皮笑臉咁教，都可以記得實。」

教導新人 逐步改變

阿樂遇到問題均會向師傅求教。廖師傅認為阿樂做事認真，每事問、事事試，對中菜餐飲工作非常有熱誠。「教書十幾年，呢個學生係最多問題，啲問題又最無厘頭。」阿樂問題多多，例如魚頭煲通常先把魚頭油炸，防止炆煮時散開，唯阿樂問能否轉用烚魚頭。經嘗試後，最終發現炸魚頭口感較理想。

廖師傅深感中菜行業陋習多，新人入行捱唔住不斷責罵，「唔少人覺得中菜廚師就係讀唔到書、爛賭、脾氣暴躁、成日講粗口，所以我要有自己嘅宗旨，教出一班新人，慢慢滲透呢行！」最近更夥拍阿樂出食譜傳承宗旨。