政壇：政商定格：梁美芬上京過節會家人
好多政界人士都趁復活節外遊充電，尋日喺一個活動遇到立法會議員梁美芬，佢話兩個分別就讀中四同中三嘅囝囝，先後去咗北京參加學術交流，身為城大法律系院長嘅老公王貴國日內又上京公幹，佢慨嘆一個人留喺香港過節好孤獨，所以心思思上京玩兩日，同家人會合。
愛京城，仲有另一原因。話說佢多年前曾留學北京人民大學讀政治。那些年，曾與同學踩單車去王府井大街食串燒牛肉，又去香山睇紅葉。最難忘係同啲同學參加「乞丐遊戲」，由北京玩到天津，期間佢靠擺地攤賣首飾，又幫旅店老闆洗碗賺宿費，雖然辛苦，但相當回味喎！
