政壇：政商定格：李文恩「跑」贏細佬拉頭馬

理文造紙董事總經理Edmond李文斌嘅愛駒「包裝之寶」，同哥哥Norman李文恩嘅「包裝博士」，尋日撞啱同場出賽，結果哥哥拉頭馬，弟弟攞第三，都算係雙贏啦！Norman太太Lorinda興奮到跳起，話好耐冇拉過頭馬，一定會好好慶祝。

講番兩匹駿駒，Edmond話當初買馬嘅時候，兩兄弟各自睇中對方匹馬，仲叫對方買下，點知兩匹都咁跑得，兩兄弟真係有眼光。

電子業商會副會長Stanley嚴玉麟同太太、大仔Jacky夫婦及細仔Jeffrey一家齊入馬場，撐佢隻愛駒「電子福星」。問佢有冇信心，佢笑笑口答「出親都有機會㗎啦！」結果跑第三，算有交代喇！Stanley話復活節得幾日假，唔飛咁遠喇，一家可能去上海叉吓電喎。同場仲見到康泰旅行社董事總經理Jason黃進達同爸爸入馬場，佢話復活節好忙，唔會出門旅行。