中國籃球巨人姚明現身海南舉行嘅博鰲亞洲論壇，菁英會一眾核心成員首次見到偶像姚明，驚訝對方高度，拍埋影大合照，有如小人國與大人國，場面有趣。
姚明自知高人一等，主動走近主席Witman洪為民身邊：「不如我坐低傾偈。」Witman醒起囝囝吩咐要拎簽名，馬上拎出紙筆，姚明亦有求必應，仲寫埋Witman囝囝個名。原來佢哋舊年同場時，只記得影相唔記得攞簽名，一度令Witman囝囝好失落，所以今次梗係要補飛喇。
洪為民（右二）同菁英會一眾成員，爭住同姚明（中）合照。（被訪者提供）
