SUN世代：工廈藝術家 Cafe創新天

置身安樂窩，有誰願意離開，更何況孤身離鄉別井！美籍中菲混血兒朱沛宗（Jehan），沒有豐厚家底，也沒有富爸爸支持，流落異鄉創業，全靠一顆奮鬥心。他原本於國際知名拍賣行擔任技術顧問，生活安穩，惟因醉心藝術，不甘於逸樂，勇於開創新天地，為藝術奮鬥，誓要在異鄉大放異彩。

眼前的Jehan，樣子雖似中國人，但中文不太靈光。不過，他仍努力用半鹹淡廣東話道出身世：「爸爸係中國人，媽咪係菲律賓人，我喺美國出世！」在美國長大，呼吸慣美國的自由空氣，他自小已許下宏願，希望靠努力建立屬於自己的東西，惟當時沒有實際概念。

13歲初試做老闆

十三歲時，Jehan首次實現夢想。當年他親手設計T恤，初嘗做老闆滋味：「唔係為錢，只係貪玩。我哋班朋友鍾意玩滑板，想做件屬於自己嘅隊衣！」忽發奇想做衫，結果大獲好評，雖然未賺到大錢，但已令他初嘗建立自家品牌的美好感覺。

嘗過老闆滋味，大家以為Jehan會選修商科，誰知他在大學時卻選讀國際關係，不久他便發覺自己走錯路：「原來我鍾意藝術！」

畢業後，他到紐約闖天下，不少大公司也在當地設總部，惟Jehan偏愛細公司：「公司得四個人，細公司樣樣都要自己落手落腳做！」這份親力親為，奠下他日後在香港憑努力闖天下的基礎。

蘇富比高薪挖角

幸運之神總是會眷顧努力不懈的人，Jehan便是其中一位。做事勤奮的他，很快便被國際知名拍賣行蘇富比高薪挖角，邀任技術顧問：「真係好幸運，佢畀好多錢請我！」六年前，香港蘇富比擴大發展規模，在紐約公司調動不少人才來港，而Jehan也是其中一員。

這個越洋工作機會，扭轉了Jehan的人生。在蘇富比工作了八個年頭，○八年Jehan毅然離開這個安樂窩：「我覺得係時候做一啲自己想做嘅嘢！」喜歡藝術的他，在柴灣一座工業大廈內開設藝術品顧問公司，為客人挑選藝術品：「香港好多人鍾意藝術，但唔係好多識分咩係好，我想幫佢哋！」

Jehan覺得香港充滿機會：「香港係個好易成立公司嘅地方，但要賺錢就有難度。」Jehan做生意不是只向錢看，他有一顆服務人的心。眼見柴灣愈來愈多藝術家自設基地，開設影樓Studio、畫室，惟全部閉關獨處，Jehan希望有個地方讓這班藝術家「落腳」，互相交流，於是他在其公司開設咖啡室：「呢度叫『柴灣人』，係想有個地方畀喺柴灣工作嘅藝術家落腳，等佢哋可以聯繫。」

首次投身飲食業，Jehan坦言要經營Cafe絕非易事：「我做藝術，未做過飲食業，真係無概念點搞！」幸得好友給予意見，而他開業前又周遊列國，觀摩其他Cafe，確立其Cafe的特色。走進其Cafe，驟眼一看像置身樹林，滿布花草樹木，耳中傳來小鳥吱吱叫聲，原來所有布置均出自Jehan之手。他熱愛藝術，希望所有顧客都能置身藝術世界中：「雖然有計劃開分店，但我會本住為藝術奮鬥嘅心去開，我鍾意藝術，希望推動藝術發展。」

Jehan's Profile

現　　職：CHAIWANESE Warehouse coffee and Eatery主理人

興　　趣：旅遊、藝術

婚姻狀況：未婚