政壇：政商定格：霍啟剛反問「我結婚？」
賭王何鴻燊長房女兒何超賢前晚喺上環搞生日派對，派對以Disco Party為主題，部分賓客穿上閃片服裝迎合主題，來賓包括賭王四太梁安琪、超賢胞妹何超雄、霍震霆同兒子霍啟剛等，場面熱鬧。何超賢話：「通常生日都係食飯，今年想輕鬆啲，以前我哋都成日搞派對，跳舞開心啲，嗰晚播番好多80年代嘅歌。」佢嘅生日願望係希望每個家庭成員都身體健康。問到賭王送咗乜嘢生日禮物畀佢時，佢話：「爹哋多數都係叫我自己揀，未諗，我鍾意畫多啲，老公就送個鱷魚皮手袋畀我。」
啟剛話預備咗禮物送畀主人家，一直傳佢同郭晶晶結婚，問到婚禮籌備進展？他笑笑口話：「又問呢個話題。」「你係咪就快結婚？」佢話：「邊個話我結婚？」但見啟剛全程四萬咁口，兼身形清減不少，相信離佳期唔遠嘞。
被問到佳期，啟剛反問：「邊個話我結婚？」
超賢話生日願望係每個家庭成員都身體健康。
四太梁安琪都有出席超賢嘅生日派對。