政壇：政商定格：嘉頓新抱赴英為仔女打氣
有「嘉頓新抱」之稱嘅Michelle張王幼倫，日前出席一個畫展開幕典禮時，透露嚟緊復活節假期會去英國兩星期，主要係探吓幾個寶貝仔女。佢囡囡張詩賢同張詠賢，喺當地修讀經濟同地理，今年六月將會齊齊着畢業袍，真係雙喜臨門。
Michelle話兩個女每年都會趁放假返港，但今年因為要考畢業試，唔想佢哋心散，所以決定親自飛去英國探佢哋，包括喺當地做緊見習律師嘅大仔，仲順道朝拜倫敦藝術館添！
佢當日喺畫展購入一幅名為「Boxer」嘅油畫，大讚幅畫顏色鮮艷，好有動感，原來幅畫係打算寄去英國畀大仔，等囝囝見畫如見人喎！
