著名教育家陳樹渠千金陳燭光（Zandra）係社交圈少有嘅鑽石級淑女，留學外國選修經濟學，並修讀法律，畢業後做咗律師，家世好、背景好，但佢就自嘲係「宅女」，兩年前母親辭世更令佢心結難解患上厭食症，直至開始跳標準舞先浴火重生，佢話，自小家規嚴，好似跳舞呢啲太過拋頭露面嘅活動，曾經諗都未諗過。
不過，佢後尾遇上社交舞老師張世華，仲一舞上癮，拜師世界級名師，去年拍住標準舞世界排名第二十四嘅Mathias Kehlet參加大小比賽，贏得「全球舞王挑戰賽拉丁舞師生組冠軍」。
陳燭光（右）與老師合拍到極。（被訪者提供）
