個個投資者都希望有黃金賺錢機會，聯想控股主席柳傳志日前同近千人分享佢嘅投資心得時透露，曾經有個賺二千億元人民幣嘅機會喺佢面前，但佢放棄咗，不過佢至今「絕對唔後悔」。
點解？因為佢嘅黃金機會源源不絕囉。柳傳志憶述，九六年民生銀行增資，佢獲准投資，如果掟一億元入去，今日大概會獲得二千幾億嘅回報，但佢最終冇投資，因為當日如果揀咗投資民行，電腦嘅投資就少咗，所以，佢寄語投資者，投資前要反覆思考，決定咗就要堅定不移咁行落去。
柳傳志雖然錯過賺二千億元人民幣嘅投資機會，但就更能專注投資電腦業。（資料圖片）
