政壇:唐唐頭耷耷四擺老婆上枱

特首選戰明日就會揭盅,勢危嘅唐英年尋日喺多份報章刊登兩個全版廣告,除咗搵嚟唐營嘅星級助選團成員及幾位聲稱係市民嘅支持者留言外,更第四度擺老婆郭妤淺上枱,寫一大段文字為佢猛講好話,佢自己就一隻字都無交代過,兩人嘅合照,佢更係頭耷耷企喺老婆隔籬。

選舉之初,唐唐一度好強勢,弊在感情缺失、僭建地下王宮、甚至私生子女等傳聞、醜聞接連登場,佢嘅唧牙膏、大話冚大話式回應又好差,一再推老婆出嚟擋駕更惹嚟全民喊打,冇腰骨、冇膊頭之名不脛而走。原以為唐唐被人咁鬧法會做番個男人大丈夫啦,點知尋日又第四度擺老婆上枱,雖然廣告打感情牌,搵老婆再次粉墨登場撰文撐自己,藉呢輪嘅風風雨雨感動人,可惜效果麻麻喇。最騎呢係廣告中嘅合照,佢兩公婆耷低頭對住隻狗,銷溫情會唔會又有反效果呀?

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報